Лејкерси потонаа торпедирани од сите страни

ХУХУХУХУххуаахуАХАхаАхахахаххахаха Тоа ми се свиѓа ... :D:D:D:D
Така им треба коа си ги креваат акциите многу... Тоа е тоа , кој високо лета ниско паѓа
Чао Лејкерс

Актуелниот првак Лос Анџелес Лејкерс нема да ја брани титулата оваа година. Потонаа торпедирани од Далас во конференциското полуфинале на западот.
Последниот натпревар за вкупна победа од 4:0, Маверикси го добија во Америкен Еирлајнс Арената со 122:86. Кошот на Лејкерси беше полнет како торба. Дека тимот на легендарниот стратег Фил Џексон и на неповторливиот Коби Брајант нема изгледи, навестија Маверикси уште во втората четвртина која ја добија со 36:16, па на полувремето Тексашаните заминаа со 63:39 што се покажа недостижно за шампионите кои сите четири меча ги одиграа слабо.
Јунакот на претходните три меча Дирк Новицки „одмораше“ со само 17 поени и 7 скокови, но затоа Џејсон Тери постигна 32 поени, Џиј Џеј Бареа прокнижи 22 поени и 8 асистенции, а Предраг Стојаковиќ по долго време одигра добар меч со 21 поен, шутирајќи за тројка стопроцентно – шест од шест.
Кај Лејкерси Коби Брајант имаше само 17 поени, а Шон Браун 15. По Гасол заврши со прескромни 10 поени, 8 скока и 6 асистенции. Сето тоа не беше доволно за спротивставување на разиграниот тим од Тексас.
Атланта во источната конференција, во својата Филипс Арена го совлада Чикаго со 100:88 и израмни во серијата на 2:2. Натпреварот беше одлучен во последната четвртина во која Чикаго влезе со минимални два поени разлика (67:69), но која и припадна на Атланта со 33:19.
Најдобар поединец во домашната екипа беше Џош Смит со 23 поени 16 скока и 8 асистенции, Џо Џонсон додаде 24 поени и 5 асистенции, а Ал Хорфорд 20 поени и 5 скокови за победничкиот тим.
За Биковите Дерик Роуз одигра добар натпревар со 34 поени и 10 асистенции, Карлос Бузер имаше учинок од 18 поени и 6 скокови но тоа беше недоволно за победа.