Гвардиола: Не сме ние криви за тоа што немаше фудбал

Тренерот на Барселона Пеп Гвардиола одби да преземе дел од одговорноста за нервозниот натпревар полн со тензија помеѓу Реал и Барселона во првото полуфинале од ЛШ.

„Велите дека неамше фудбал, туку многу тензија? Не се сложувам. Ние цело време ја игравме нашата игра, ја држевме топката во посед и се обидувавме да развиеме игра. Нормално дека тоа го правевме поуверливо против десетмина противнички играчи, но исто така многу добро игравме и против 11. Барселона и овојпат беше екипа која сакаше да се надигрува и тоа цело време“, изјави Гвардиола после големата победа на Бернабе.

„Дали Пепе заслужи црвен картон за стартот над Алвеш?“, го запраша еден новинар.

„Жал ми е, но не видов што точно се случи“, одговори Гвардиола.

На прашањето дали Реал сега повторно ќе се жали пто играл со играч помалку против Барселона, рече: „Тоа прашање адресирајте го на судиите. Барселона не е тука за да суди натпревари и да расправа за картоните. Ние сме тука да играме фудбал“.

„Што мислите какви се вашите шанси против Манчестер во финалето?“, го првашаа новинарите.

„Следниот вторник во 23 часот можеби ќе можам да ви одговорам на ова прашање“, заврши тренерот на каталонците и предупреди дека се уште ништо не е готово и дека имаат многу голем респект кон Реал.