„Го оставив сопругот за шеснаесетгодишник“

Кога 49-годишната Marylin Buttigieg, мајка на седум деца, се заљубила во шеснаесетгодишник, била свесна дека тоа е погрешно и какви се последици може да произлезат од нивната врска.

Таа ризикувала да го уништи сопственото семејство кога го оставила мажот со кој била во брак цели 20 години поради врската со пријателот на својот син.

Како што сигурно претпоставувате, нејзините деца биле згрозени од сето ова, а едно од нив постојано ја навредувало - педофил е само еден од погрдните зборови упатени на нејзина адреса.

Но, и покрај се, Marylin се омажила за сега дваесетгодишниот William, и како што вели, воопшто не се грижи за тоа што мислат другите.

„Знам дека разликата во години е преголема (30), но јас и William имаме толку заеднички работи," вели Marylin која инаку има и осум внуци.

„Ние сме сродни души и знам колку е тешко за луѓето да ја разберат нашата ситуација, но семејствата почнаа да не прифаќаат такви какви што сме."

Marilyn и William се запознале пред три години кога нејзиниот 16-годишен син Mark го донел својот школски пријател на гости во нивниот дом.

Taa веднаш ги забележала убавите очи на William. Marilyn вели: „Син ми и неговиот пријател влетаа низ вратата и ги фрлија ранците во дневната. Mark ми рече, 'Мамо, запознај се со Will Smith, како актерот.'"

Marilyn има две возрасни деца од првиот брак - Melanie (29) и Jimmy (27). Davinia (25), Mark (19), Priscilla (18), Ritchie (14) и Gaby (12) се децата од вториот, но не последен брак за Marilyn.

Пет години пред да се запознае со William, на Marilyn и била дијагностицирана напредна форма на сколиоза, односно искривување на 'рбетот, по што морала да го напушти своето работно место во локално кафуле.

„Мојот живот почна да станува бесмислен, често се чувствував преморена и исцрпена и не можев да станам од кревет. Но, кога се појави William, неговата смисла за хумор донесе ново расположение во домот."

По неколку недели William останал на вечера и наскоро станал како дел од семејството. Звучи иронично, но тогашниот сопруг на Marilyn, Gary, се пошегувал дека William е заљубен во неа.

„Не верував во тоа што ми го зборуваше иако, мора да признам, ми ласкаше", се присетува Marylin. „Откако се разболев, мојот однос со Gary почна да се руши. По речиси 20 години во брак почнавме да спиеме во одделни соби, а јас се чувствував осамена."

Кога Marilyn му се пожалила на William дека поради болеста тешко ги извршува домашните обврски, тој веднаш ја зграбил шансата и почнал да пазарува за неа и да и помага. По три месеци, Marilyn почнала да чувствува необјаснива привлечност кон пријателот на својот син. Единствено и било јасно како ден дека се чувствува виновна поради тоа.

„Знаев дека е погрешно. Не само затоа што беше пријател на мојот син, туку затоа што имаше само 16 години. Еден ден, додека готвевме во кујната, William собра храброст и ми призна дека му се допаѓам, но не само како пријателка. Вдишав длабоко и му ги признав моите чувства, објаснувајќи му дека не може да направиме ништо во врска со тоа."...