Женска шминка која мажите ја мразат

За шминката, меѓу другото, знаеме две работи. Едната е дека жените ја обожуваат, а другата е дека мажите не можат да ја поднесат. Кои се границите при шминкањето кои не се препорачува да се преминат?

Многу слоеви пудра

Доколку мажот ви ја регистрира пудрата, значи дека навистина сте претерале. Ниту еден маж не сака жена која го „скаменила“ своето лице со неколку, неизедначени слоеви пудра. Можеби најстрашното е кога ќе се стави неколку нијанси потемна пудра, па разликата помеѓу лицето и вратот е очигледна. Бљак.

Зарем мислите дека мажот ќе посака да ве бакне со толку пудра на лицето? Сигурно првата помисла му е „пресликаната“ пудра на неговите усни. Внимавајте. Изедначениот тен е едно, а цела палета на нијанси на вашето лице е друго.

Дреч кармини

Колку и да се модерни неонските, електрични тонови, усните во тие бои сигурно нема да го воодушеват вашиот партнер. Експертите велат: „ако ја терате модата, голема е веројатноста да го изгубите мажот кој ви се допаѓа или ви е партнер“.

Мажите сакаат усни кои изгледаат свежо, природно и сочно, а тој ефект ќе го постигнете со нежни, розови и во нијанса на праска, бои на кармини.

Нападна, сина сенка

Всушност, сè што е нападно и претерано не им е омилено на мажите. Ниту сината сенка за очи не спаѓа помеѓу шминката која би сакале да ја видат на својата партнерка. Таа, освен што им е „трн во око“ им изгледа и преефтино.

Розево руменило

Розевото руменило мажите ги потсетува на старите тетки, кои ги сретнуваат во супермаркетот. Не дозволувајте да ставите вакво руменило, колку и да е модерно. Мажите сакаат „невидлива“, неприметна шминка, со која ќе го истакнете она што е најубаво на вас.

Нападно моливче за усни

Можеби и не треба да објаснуваме којзнае колку за овој непосакуван ефект, бидејќи моливчето секогаш, ама баш секогаш, треба да биде неприметно, и во склад со карминот.

Светки

И со светките треба да бидете внимателни. Кога веќе имате желба за истите, ставете ги на сенката или во руменилото, но оние ситните и во мал број. Никако не претерувајте, бидејќи ќе изгледате како лампион.