Број на мислења : 345 Points : 1012 Reputation : 2 Join date : 2011-04-17 Age : 33
Предмет: Топ 5 филмови со рекордна заработка Пон Мај 16, 2011 11:39 am
Филмската индустрија уште од одамна стана голем бизнис, а мерило за квалитетот на филмските дела секако е и нивната заработка. Кои се филмовите кои можат да се пофалат со заработка од над милијарда долари?
5. Toy Story 3 Последното продолжение на популарната трилогија на Pixar снимано во 3D техника заработи дури 1 милијарда долари и стана најуспешниот анимиран филм на сите времиња според заработката. Злобниците коментираа дека заработката се должи на поскапите кино билети бидејќи станува збор за 3D верзија, но токму одличните ефекти на филмот му донесоа и одлични критики.
4. Pirates of the Caribbean: The Curse of the Black Pearl Благодарение на одличната глума на Џони Деп и на мајсторската режија на Гор Вербински, оваа епизода на Пиратите од Кариби успеа да заработи вкупно 1,066 милијарди долари и за наоѓа на четвртото место на Бокс офис листата.
3. Lord of the Rings: Return of the King Последното продолжение на трилогијата за авантурите на Фродо и неговите другарчиња беше дочекано со воодушевување од публиката низ целиот свет. Филмот ги надмина сите рекорди на гледаност, направи “парам парче“ по кино благајните и во тоа време стана втор филм после Titanic кој заработил повеќе од милијарда долари. Филмот освои и неколку Оскари, одлични критики и моментално според вкупната заработка од 1,129 милијарди долари се наоѓа на третото место.
2. Titanic Цели тринаесет години овој филм беше на првото место по заработката, што јасно покажува колку многу пари може да донесе љубовна приказна претворена во филм, посебно кога е споена со легендарна приказна за легендарен брод. Романтичната приказна за богатата девојка и сиромашното момче, на Џејмс Камерон и екипата им донесоа единаесет Оскари и статус на прв филм во историјата кој заработил повеќе од милијарда долари, а во денешно време филмот се наоѓа на второто место со вкупна заработка од 1,835 милијарди.
1. Avatar За само 17 дена по премиерата на Avatar, филмот за сините суштества кои живеат на далечната планета Пандора заработи повеќе од милијарда долари, што им успеало само на уште неколку филмови пред него. Џејмс Камерон (аха, истиот батка заслужен и за успехот на Titanic) откри дека започнал да работи на развојот на сценариото уште во деведесеттите години, но чекал да помине време за да биде создадена технологија која соодветно ќе ја долови неговата визија за филмот. И, чекањето навистина му се исплати, бидејќи на Бокс офис листата овој филм е на првото место со вкупна заработка од 2,782 милијарди американски долари.
Пет Апр 05, 2013 4:43 am by danielll
