Оклахома во финалето, Чикаго поведе против Мајами

Во седмиот решавачки меч пред своите гледачи во Оклахома Сити домашната екипа избори сигурна победа против забревтаниот Мемфис и се пласира во финалето на западната конференција.Оклахома победи со 105:90, а на натпреварот блесна токму Кевин Дурант, кој иако на шестиот натпревар беше со слаб учинок, на овој меч даде дури 39 кошеви, остварувајќи притоа и 9 скокови. Џејмс Харден додаде 17 поени, а Расел Вестбрук оствари трипл дабл со 14 поени 10 скокови и 14 асистенции. Во тимот на Мемфис најефикасни беа Мајк Конли (18 п. 5 ск. 6 ас. и Зек Рендолф (17 п. 10 ск.). Оклахома во финалето на Западот ќе игра против Далас.

Во источната конференција во финалната серија Чикаго поведе со 1:0 против фаворизираниот Мајами Хит. Во Јунајтед Центарот во Чикаго, Биковите победија со 103:82. Дерик Роуз уфрли 28 поени и 6 пати асистираше. Луол Денг имаше 21 поен и 7 скокови, а Карлос Бузер 14 поени и 9 скокови за Чикаго.

Во тимот од Флорида Само Крис Бош играше на ниво на своето реноме. Постигна 30 поени и 9 скокови, но потфрлија Двејн Вејд (18 п.) и Леброн Џејмс (15 п. 6 ск. 6 ас.). Вториот меч се игра исто така во Чикаго.