Снуп Дог и Чарли Шин снимија победничка песна

Тимот кој победува - „шоуменот“ Чарли Шин, раперот Снуп Дог и гитаристот Роб Петерсон, конечно ја објавија својата соработка која се нарекува едноставно „Winning“. Во песната им се придружува и Кармен Електра.„Ова е духовита песна, која не би требало да се сфати сериозно. Само сакавме да се забавуваме“, кажа Петерсон, поранешниот гитарист на Корн, сегашен на Филтер, а инаку музички шеф на Шин.

Необичното трио песната ја сними во Детроит, кога Шин земаше „оддишка“ од турнејата „Violent Тorpedo of Truth“. „Мотивот на песната е победувањето... тоа е сè во животот“, кажа Шин во интервју за E!Online.

„Мислам дека Снуп направи навистина добра работа, предавајќи ни ги и ширејќи ги позитивните вибрации за време на целата турнеја. Песната ја изведувавме речиси секоја вечер, до крај на шоуто“.

Дека Шин има и друга цел освен забава, и дека најверојатно сака да си го подобри имиџот, сведочи фактот што средствата собрани од симнувањето на песната ќе одат за фондацијата „Torpedos Against Tornados“, која се грижи за жртвите погодени од торнадата.