Пет едноставни начини да го подготвите вашето тело за плажа

Доколку сте од оние кои преку цела година си кркаат и си свиркаат, а пред почетокот на летото си викаат „Леле, треба да ослабам за на плажа“, време е да почнете да мислите на својата фигура. Како да го подготвите вашето тело за разголување без паника и притисоци? Еве го планот.Доколку сакате да изгледате убаво во бикини, време е да почнете да мислите на вашата фигура. Наместо мачни вежби и диети, применете го долгорочниот план во пет чекори кој ќе влијае на вашиот животен стил и ќе ви донесе резултати.

Пијте многу вода
Ова сигурно сте го слушнале многу пати до сега, но дали спаѓате во оние кои го применуваат? Време е да почнете навистина да внесувате повеќе вода во вашиот организам, со што ќе ја хидратизирате кожата, ќе имате повеќе енергија и општо подобро здравје.

Збогатете ја исхраната со повеќе овошје и зеленчук
Колку повеќе во вашиот организам внесувате овошје и зеленчук, толку помалку внесувате брза и нездрава храна. Со ваква исхрана, многу полесно ќе ја постигнете посакуваната фигура.

Постепено разголување
Ако сте од оние на кои им е незгодно и тешко по носењето на долго здолниште директно да се разголат во бикини, почнете со постепено разголување. Најпрво, покажете ги нозете во кратко здолниште, навикнете се на мало разголување, па облекувањето на костимот за капење нема да ви биде незгодно.

Поминувајте повеќе време голи
По туширањето не се облекувајте веднаш. Уживајте во своето тело и почувствувајте ја голотијата. Со ова ќе си ја подигнете самодовербата и многу подобро ќе се чувствувате кога ќе дојде време да облечете бикини.

Движете се повеќе
Одете пеш секаде каде што можете. Доколку одите забрзано - уште подобро. Доколку сте од оние на кои секојдневните обврски не им оставаат време за вежбање, пешачењето е добра алтернатива. Доколку не е многу далеку од вашиот дом, потрудете се пеш да одите барем до вашето работно место.