Зошто некои луѓе се осудени на доживотна дебелина?

Ако сте од оние кои цел живот се на диети и постојано вежбате напорно за да ги симнете килограмите, но резултатите никако да дојдат - сигурно се прашувате „О, зошто, зошто“?Без обзир на трудот, некои луѓе никако не можат да ги стопат килограмите, па често велат дека „и водата им се фаќа“. И додека нивните пријатели и познаници сметаат дека тие не водат доволно грижа за своето тело, вистината е дека некои луѓе едноставно не можат да ја добијат битката со килограмите. Еве неколку причини зошто:

Телесната тежина има врска со добро избалансираната енергија, односно калориите кои ги внесуваме во организмот и калориите кои ги трошиме. Па така, две лица можат да практикуваат иста диета и да прават исти вежби, а резултатот може да биде сосема различен.

Според доктор Дејвид Кац, раководителот на Центарот за превенција на дебелината на Јејл, калориите кои ги внесуваме во телото ги трошиме со физичка активност, ги користиме за загревање на телото, да се разладиме, а децата ги користат за растење. Но, колку калории се потребни за секоја од овие активности? Ова, зависи од гените, телесната маса, обликот на телото, метаболизмот и низа други фактори кои треба да се земат во предвид доколку сакате успешно да се ослободите од килограмите.

Фактори кои влијаат на телесната маса се и разните хормонални дисбаланси како нивото на инсулинот, лептинот и хормонот на штитната жлезда, кои понекогаш исто така може да се виновни за вишокот килограми.

Па така, луѓето со вишок килограми не треба да се осудуваат дека не водат грижа за своето тело и дека се мрзливи бидејќи се работи за здравствени проблеми.

Сепак, идеално решение во борбата со килограмите нема, а за жал на сите оние кои водат битка со вишокот килограми сеуште не е пронајден начин како да се идентификуваат и поправат факторите кои допринесуваат за таложењето на килограмите.

Едноставно, доколку целиот напор кој го вложувате не вродува со плод, можеби треба да се помирите со тоа што го имате, затоа што само на тој начин може да бидете среќни.