„Pyrates“ на Ридли Скот и Fox дебитира наредното лето

„Pirates of the Caribbean“ ја подотворија вратата, па сега Ридли и Тони Скот одлучија дека дојде времето да ја раскажат својата приказна за пиратите.Славните режисери Ридли и Тони Скот ќе ја продуцираат новата тв серија за Fox наречена „Pyrates“, која би требало да ги собере плодовите на разбудениот интерес за оваа тематика, пред се поради славниот серијал на дизни за пиратите од Карибите, особено после најновиот четврт дел од серијалот кој дебитираше неодамна по кино-салите, иако не ја импресионираше филмската критика.

Авторот на оваа мини серија е Бери Шиндел („Law and Order“), пишуваат холивудските медиуми, a на тв понудата на Fox би требало да се најде наредното лето.

Дејствието во серијата се темели на една вистинска приказна, за најголемиот пиратски грабеж во историјата, кој им се случил на шпанските бродови („сребрената флота“) во 1628. година, со што наводно започнала „златната ера“ за пиратите.

Првата епизода (од вкупно 10 до 13, колку што се шпекулира дека ќе бидат снимени) ќе ја режира Стивен Хопкинс, а датумот за почеток на снимањето, како и актерската екипа, се сеуште непознати. Тоа значи: не, не се знае дали поднапиениот Џек Спероу ќе се појави во овој серијал