Majaми Хит поведе во големото НБА финале против Далас Маверикс со 1-0 во победи, откако синоќа во Американ Ерлајнс арената ја искористи предноста на домашниот терен, совладувајќи ги гостите од Тексас со 92-84.ЛеБрон Џејмс и Двејн Вејд искомбинираа 46 поени за домаќините, и беа енигма за дефанзивата на далас во клучни моменти од мечот - особено во третата четвртина кога Мајами заостануваше со 8 поени зад Далас.
За Маверикс најуспешен беше Дирк Новицки со (само) 27 поени и катастрофален шут од 7/18 од поле, додека Шон Мерион заврши со 16 поени и 10 скока.
Играчите на Мајами не беа особено подобри од гостите (38%), но разликата ја направија 16-те офанзивни скокови за Мајами наспроти 6-те на Далас и шутот од зад линијата за 3 поени - 11 тројки од 24 обиди за „жешките“.
Серијата продолжува со уште еден меч во Мајами, во четврток.
Пет Апр 05, 2013 4:43 am by danielll
