Мајами ќе игра против Далас во финалето

Чикаго прокоцка победа во петиот меч против Мајами Хит, загуби во Јунајтед Центарот со 80:83 и со тоа гостите станаа победници на Источната конференција со вкупен резултат од 4:1.

Само на три и пол минути до крајот Биковите водеа со 77:65, но тогаш Мајами предводени од Вејд и Џејмс направија серија кошеви и комплетен пресврт за неверојатна победа.

Повторно најефикасна беше тројката на Мајами Леброн Џејмс (28 п. 11 ск. 6 ас.), Двејн Вејд (21 п. 6 ск.) и Крис Бош (20 п. 10 ск.).

Во Чикаго најдобар поединец беше Дерик Роуз (25 п. 5 ск. 8 ас.). Луол Денг (18 п. 7 ск.) и Рони Броер (10 п._ беа единствените покрај Роуз со двоцифрен учинок.



Така Далас во големото финале очекувано го доби Мајами за противник. Овие два тима по втор пат ќе настапат во финалето. Во последното нивно финале Мајами славеше со 4:2 откако Далас водеше со 2:0.